الخروج من الشغل

ستسمع الصراخ من قبل أن تخطو إلى حيث لافتات الدعاية الانتخابية كضمادات معكوكة بجروح عمالقة غير مرئيين إنه قوي ومنتظم لدرجة أنك تظنه سرينة لكنها مجرد امرأة تنتحب على ركن مظلم من الكوبري في هذه الساعة كل يوم وربما لا فرق كبير بين السرينة وصراخ المخابيل في الشوارع لكنك الليلة وبسبب المظاهرات لن تمر بالحمار المربوط على الناصية ولن يكون الشارع العمومي واقفاً بسبب الخناقات حيث الشماعات مرصوصة على الأسفلت وكأنك في محل ملابس والميكروباصات مركونة بالعرض والخناقات فقط سيكون هناك طفل بالكاد يمشي جالساً يبكي على إحدى السيارات وحده تماماً وسط هدوء المنطقة المزدحمة والأضواء البرتقالية ترقص على التراب القصاص ليس سبباً لقفل الطريق المساء لا يغصّ بالعاريات.

.

IMG_5397

الدنيا بتضحك للأوسة: أغنية تبحث عن لحن

wpid-img_2088-2012-12-25-09-10.jpg

.

الدنيا بتضحك للأوسة في كل الأوقات

علشان في خدودها حَمَار وغرام وكلام وحاجات

.

وعيونها الواسعة بتتفرج ع الأراجوزات

ودراعها النونو بيتحرك يعمل خناقات

وتنام وتزمزأ وتغني وتقول حكايات

وتقوم تتاوب وتدوّر ع الببرونات

مين قد الأوسة في حلاوتها م البنوتات

علشان في خدودها حمار وغرام وكلام وحاجات

.

الدنيا بتضحك للأوسة في كل الأوقات

الدنيا الحلوة الجاية عليا في بصتها

وإيدين بتخربش تتاكل من حلاوتها

والحلقة النجمة اللي بتلمع على ودنتها

والبسمة الرسمة تدوّب روحي في شفتها

علشان في خدودها حمار وغرام وكلام وحاجات

.

الدنيا بتضحك للأوسة في كل الأوقات

والدنيا الوحشة بعيد عني وهي معايا

الدنيا البايخة وقشر الموز في الحوداية

إخوان ودقون وبلاوي كتير رايحة وجاية

ومحمد مرسي بذات نفسه أرميه ورايا

علشان في خدودها حمار وغرام وكلام وحاجات

.

الدنيا بتضحك للأوسة في كل الأوقات

وعياطها ودوشة غياراتها عالم تاني

لما تزقزق زي العصفور جنب وداني

أو رجليها تضرب شلاليت كده عمياني

تبقى الدنيا وحتى الآخرة مش سايعاني

علشان في خدودها حمار وغرام وكلام وحاجات

.

الدنيا بتضحك للأوسة في كل الأوقات

علشان في خدودها حَمَار وغرام وكلام وحاجات

.

wpid-2012-12-2603-17-32am-2012-12-25-09-10.png